Шведската полиција во Малме пронашла не-експлодирана граната под куќата на фудбалерот на ПСЖ, Златан Ибрахимовиќ пренесе Mirror.
Полицијата во Малме исто така покренала истрага за да се открие како и од кого таа била подметната под куќата на Ибра, но шведските медиуми објавија информации дека како осомничени се припадници за група за заштита на животните кои се лути на Ибра поради фактот што тој е ловец.
Ибра веќе се пофали во медиумите и социјалните мрежи пред Божиќ дека самиот со неговата пушка уловил северен елен, потег кој ги налутил активистите за правата на животните во Шведска.
Ниту еден член на фамилијата на Златан Ибрахимовиќ не бил во куќата кога била откриена гранатата.