Најдобриот фудбалер на Барселона Лионел Меси сезонава трипати не успеа да реализира пенал, но и покрај тоа тоа ја ужива довербата на тренерот Енрика кој изјави дека Аргентинецот има статус на прв изведувач на ударите од 11 метри.
-.Наш изведувач на пенали без какви дилеми и натаму е Меси. Имаме најголема доверба во неговите способности да шутира казнени удари. Тие кои промашуваат се оние кои имаат храброст да ги изведуваат овие удари, истакна Енрике по дуелот со Манчестер Сити.
Голманот на англискиот шампион Џо Харт во финишот на синоќешниот осминафинален дуел од Лигата на шампионите му одбрани пенал на Меси и спречи водство на гостите од 3:1.
Меси сезонава не реализира пенал и на дуелот со Леванте, како и во аргентинскиот дрес на пријателската средба со Бразил.