Луис Енрике и Пеп Гвардиола оваа недела се сретнаа на Ноу Камп. Стадионот кој пред речиси 2 децении го делеа бидејќи беа играчи на каталонскиот клуб. Сега Гвардиола пристигна од Минхен со тимот на Баерн како гостин на Ноу Камп на полу-финалниот прв натпревар од Лигата на шампионите.
Но, двајцата беа дел од фудбалскиот клуб Барселона кога и двајцата беа на врвот на играчките кариери. Енрике од 1996-та до 2004-та година, а Гвардиола од 1990-та до 2001-ва.
Двајцата исто така беа дел од Олимписката репрезентација на Шпанија која го освои златниот медал на ОИ во 1992-ра година, но и Копа дел Реј титулите во 97-ма и 98-ма година, Суперкопа Еспања во 1996-та, УЕФА Супер купот во 1997-ма година, Купот на победниците на куповите во 1997-ма и двете титули во Ла Лига.
Но, кои се интересните факти за двајцата тренери?
Луис Енрике учествува во маратонско трчање. Учествуваше во маратонот во Амстрердам, Њујорк, Фиренца...
Кога Пеп се пресели во Њујорк, шпански новинар прашуваше луѓе на улица дали ќе можат да го препознаат Гвардиола од фотографијата која тој им ја покажа и никој не знаеше кој е всушност Пеп Гвардиола во САД.
Во слободно време Луис Енрике сака да сурфа. Тој научил да сурфа додека живееше во Австралија.
За да се подготви за менаџерското место во Баерн, Пеп учел германски јазик секој ден по 5 часа.
Пеп е приврзаник на левицата во Шпанија и се закага за независност на Каталонија од Шпанија.
Вака изгледаше презентацијата на Енрике како играч на Барселона во 1996-та година
А ова е дел од нивната играчка кариера кога беа дел од Барселона.