Лос Анџелес Лејкерс го совладаа Хјустон во вториот натпревар од конференциското полуфинале во НБА плејофот.
Најдобриот кошаркар на Лејкерс, Леброн Џејмс постигна 28 поени и забележа 11 скока. При тоа Џејмс уфрли една тројка и се искачи на второто место во историјата на НБА плејофот според погодени удари за три поени.
Леброн има 386 реализирани тројки во разигрувањето за трофејот. Зад него остана Реј Ален со 385. Убедливо прв е Стеф Кари со 470 погодени тројки.