Американската професионална кошаркарска НБА екипа Атланта му врачи отказ на тренерот Нејт Мекмилан (58) и на негово место како привремено решение го назначи 54-годишниот Џо Пранти.
Мекмилан беше главен тренер на Атланта од 1. март 2021 година и во таа сезона го однесе тимот до финалето во разигрувањето во Источната конференција, а сезонава екипата со биланс од 29 победи и еден пораз повеќе се наоѓа на осмото место на Истокот.
За Пранти ова е втор пат во кариерата да доаѓа како замена на местото главен тренер, откако во текот на 2018 година го предводеше тимот на Милвоки со ефект од 21 победа и 16 порази.
Американските медиуми како главен кандидат за перманентно решение на тренерското место во Атланта го посочуваат Квин Снајдер, кој од 2014 до 2022 година со успех го водеше тимот на Јута.