Својата шеста пол-позиција едноподруго, тој ја трансформираше во трета победа, откако убедливо стартуваше, а ја врати предноста пред Хамилтон, откако Англичанецот се обиде со поинаква стратегија да го победи. Ова е шеста победа на Розберг во 2015 година, а исто така е првпат во кариерата 30-годишниот Германец да има три победи во низа.
Асот на Ферари, Кими Раиконен го комплетираше подиумот, додека неговиот колега Себастијан Фетел од 15. место на стартот успеа да заврши како четврти.
Серхио Перез и Нико Хулкенберг го освоија петтото, односно седмото место за Форс Индија, а нив ги раздели Даниел Рикијардо во Ред Бул. Фелипе Маса во Вилијамс беше осми пред Роман Грожан во последната трка за Лотус, а последниот поен го освои Данил Квјат во вториот Ред Бул.