Возачот на Ред Бул, Макс Верстапен го истакна своето задоволство од атмосферата во тимот по неговата победа викендот на Големата награда на Азербејџан.
- Доживеавме многу одлични моменти заедно. Не е пријатно да се поминува низ тежок период. Но, сега кога повторно победивме, сè е подобро. Атмосферата е фантастична, ни дава самодоверба. Луѓето гледаат светлина на крајот од тунелот и мислат дека иднината изгледа посветла. Но, ќе мора да почекаме и да видиме како ќе се справиме во Сингапур. Имав добар викенд во Баку. Не направивме никакви големи промени, па беше задоволство да соработувам. Изгледавме прилично конзистентно два викенда по ред. Чудно е, бидејќи долго време не сме виделе такво нешто, изјави Верстапен.
Четирикратниот светски шампион во моментов е трет во поредокот на Формула 1 шампионатот со 255 бода, Ландо Норис има 299, а лидер е Оскар Пјастри со 324 бодови.