Голманот на Манчестер сити, Џанлуиџи Донарума, зборуваше за неговото заминување од ПСЖ по добивањето на трофејот „Лев Јашин“.
- Кога доживувате толку многу позитивност и поминувате многу време со добри пријатели, не е лесно. Но, вистината е дека најдов извонреден клуб во Манчестер сити со извонредни играчи, и тие ме примија во големо семејство, а тоа е важно за мене. Промената е тешка, но во ПСЖ најдов навистина извонредни навивачи, извонредни играчи, тренер, спортски директор и претседател. Затоа сакав да останам, го цитира Ројтерс Донарума.
Италијанецот ја освои наградата по втор пат во својата кариера. Донарума претходно беше прогласен за најдобар во 2021 година. Тој стана вториот голман, по Емилијано Мартинез, кој двапати го освои трофејот „Лев Јашин“.
Донарума играше за ПСЖ од 2021 до 2025 година. Бранеше на 161 натпревар, прими 156 гола и 56 пати не прими гол.
Со Парижаните, голманот освои четири француски првенства, два француски купа и три Суперкупа. Минатата сезона, тимот ја освои Лигата на шампионите.