Знамето на Македонија кое беше истакнато на Олимпискиот стадион во Лондон е ставено на продажба по цена од 255 фунти.
Официјалните лица на Олимписките игри во Лондон организираа аукција на која ги продаваат реквизитите, знамињата, дел од облеката и сите оние работи кои беа користени за време на церемонијата на отворањето на ЛОИ.
Меѓу предметите кои се најдоа на интернет аукцијата е и македонското олимписко знаме кое го носеше олимпиецот Марко Блажевски за време на отворањето на овој спортски настан. Цената на македонското знаме изнесува 255 фунти, тоа и не е многу ако се знае дека знамето на Америка е веќе продадено за повеќе од 8.000 фунти.