Ракометарот на Металург, Јанко Божовиќ се најде во изборот на ЕХФ за идеалниот тим на второто коло во Лигата на шампионите.
Австрискиот репрезентативец во саботата го предводеше Металург до победата над кадетен Шафхаузен постигнувајќи осум голови.
Идеални седум за 2.коло во ЛШ во избор на ЕХФ:
голман: Рихард Капелин (Ла Риоха),
лево крило: Јонас Калман (ПИК Сегед),
лев бек: Момир Илиќ (Веспрем),
среден бек: Никола Карабатиќ (ПСЖ),
десен бек: Јанко Божовиќ (Металург),
десно крило: Кристијан Бјорнсен (Кристијанштад),
пивот: Бјарте Мирхол (Скјерн).
Уште двајца играчи од македонските екипи во ЛШ добија место од ЕХФ во категориите за најубав гол и најубава обрана.
Лука Мраковчиќ од Металург е во ТОП 5 листата за најубави голови од второто коло. Тој ја освои петтата позиција на оваа листата, додека голманот на Вардар Арпад Штербик на вчерашниот меч со ПИК Сегед имаше одбрана прогласена за четврта најдобра во оваа рунда.