Ракометниот клуб Металург денеска ги пушти во продажба билетите за натпреварот од Лигата на шампионите со Елверум и тие се со популарни цени од 60 до 150 денари.
Продажни места се центрите на ОNЕ и on-line на karti.com.mk.
-Ракометниот клуб Металург ве повикува заедно да испишеме уште една страница во македонската ракометна историја, со наши сили, за нас. Без вас, ние нема да бидеме тоа што сме, синоним и гордост на македонскиот ракомет, стои во апелот на Металург.
По првите две кола „металурзи“ имаат една победа и еден пораз и се со очекување в сабота во СЦ „Борис Трајковски“ против Елверум да стигнат до нова победа.