Металург со гранитна одбрана до втора победа во ЛШ
Скопје, 3 октомври 2015 (МИА) - Металург оствари нова, втора победа во Лигата на шампиони, овој пат против норвешкиот првак Елверум со 22:19, полувреме 10-12.
Металург играше одлична одбрана во текот на целиот меч, а особено во второто полувреме кога прими само седум голови и тоа беше клучно за натпреварот и победата.
Јанко Божовиќ беше најефикасен кај Металург со шест погодоци, четири од пенал, Лука Мраковчиќ даде четири, а Марко Матиќ и Жарко Пешевски постигнаа по три погодоци. Дупјачанец го заврши мечот со 12 одбрани.
Кај Елверум прв стрелец беше Лука Митровиќ со пет гола, а забележителен на голот беше Нергард со фантастични 18 одбрани.
Во следниот натпревар од групата Д во Лигата на шампионите, Металург на 11 октомври во Данска му гостува на Скјерн