Третата победа во најелитното натпреварување, Вардарки ја остварија пред се, благодарение на маестралната игра во продолжението. Во првите 30’ минути, нашиот ракометен шампион имаше предност од еден гол (11:12), откако Лекиќ беше успешен реализатор на седмерецот, во последните секунди.
Играта која беше прикажана во вториот дел е можеби најдобрата оваа сезона. Митјиланд немаше никакво решение за одбраната на Вардар која беше на највисоко нивоп. Впрочем само примените четири погодоци во нивната мрежа говорат за одличната игра. На спротивната страна, пак бројката од 13 беше сосем доволна за да се дојде до 25:15, за повеќе од убедлив триумф во корист на Вардар. Најефикасен стрелец на денешната средба беше Андреа Лекиќ со шест погодоци.
Со третата победа, Вардарки сега имаат шест поени и со Ѓер се на делба на лидерското место во групата „Ц“. Митјиланд, пак остана на бројката од четири.