Во финалето на Грен слемот УС Опен ќе играат српскиот тенисер Новак Ѓоковиќ и Швајцарецот Стан Вавринка.
Ова е епилогот по полуфиналните мечеви во кои финалистите беа подобри од своите ривали.
Првиот фаворит на турнирот Ѓоковиќ го совлада Гаел Монфис со 3-1, по сетови 6:3, 6:2, 3:6 и 6:2.
Во второто полуфинале одиграно ноќеска, третиот носител Вавринка исто така во четири сета го победи Кеи Нишикори од Јапонија, по сетови 4:6, 7:5, 6:4 и 6:2.
Финалето е закажано за утревечер од 22 часот.