Вардар убедливо со 29:22 го победи унгарскиот гигант Веспрем во меч од третото коло на СЕХА лигата, имајќи ја контролата од стартот до финишот на мечот
Единствено, рамноправна игра гледавме во стартните минути се до резултат 2:3 за Веспрем, во шестата минута. Како што одминуваше, така истата беше се поизразена. Дури во пет наврати (9:4, 10:5, 14:9, 15:10) нашиот шампион водеше со пат голови разлика. На пауза се замина со резултат 16:12.
Во вториот дел, влезот на Вардар беше успорен, па така гостите со неколку добри напади, и одлична одбрана намалија на 19:16 но, тоа беше единствениот нивни блесок. Милиќ со две одлични интервенции обезбеди два брзи напади кои ги реализираа Карачиќ и Дибиров (21:16) и работите си дојдоа на своето место.
Најефикасен играч во редовите на Вардар беше одличниот Игор Карачиќ кој имаше ефект од осум погоди од девет упатени удари, додека на голот маестралниот Милиќ одбрани 11 удари.