Сите соби во трите олимписки села во Пјонгчанг биле распродадени уште пред почетокот на Олимпијадата, соопшти претставникот на ИОК Марк Адамс.
По завршувањето на Игрите, апартманите ќе бидат реновирани и предадени на нивните сопственици.
- Во Пјонгчанг има план за управување со имотите по завршувањето на Олимпијадата. Игрите не излегоа многу скапо. Важно е дека регионот ќе продолжи да се развива. Сите соби во трите олимписки села се распродадени уште пред почетокот на Игрите. Но, по некои објекти има уште прашалници по кои се работи, рече Адамс.
ЗОИ во Јужна Кореја почнаа на 9 февруари, а ќе завршат в недела на 25 февруари.