Селекторот на македонската женска одбојкарска репрезентација, Стефан Пауновиќ, е разочаран од изданието ан неговите избранички на вчерашниот дуел со Швајцарија.
Македонија во Струмица загуби со 3:0 во вториот натпревар од ЦЕВ Сребрената Европска лига.
- Не знам што ни се случи. Не можевме ништо, сè што се обидовме да направиме заврши безуспешно. Статистички гледано имавме подобар прием од првиот натпревар со Луксембург, но нивната игра на мрежа и блокот беше нешто што не успеавме да го ‘разбиеме’. Разликата во квалитетот го направи своето и не ни дозволија да мрднеме. Свесни сме дека вака не смее и не може! Веќе имавме состанок, разочарани сме што не пруживме посилен отпор, но мислам дека ова ќе ни биде добра лекција за будење. Треба што побрзо да се кренеме. Денеска девојките имаат слободен ден, а од утре се насочуваме кон следните натпревари. Имаме уште четири меча за играње и нема предавање, кусо анализира селекторот Стефан Пауновиќ.
Македонските одбојкарки утре и в среда ќе тренира во Струмица, додека в четврток патуваат за Фарски Острови, каде од 6 до 8 јуни на вториот турнир ќе игра против домаќинот и селекцијата на Австрија.