Машката ракометна репрезентација на Македонија ја совлада селекцијата на Турција со 35:26, со што остана во трка за јунскиот бараж за пласман на Светското Првенство 2011 година во Шведска.
Во Адана избраниците на Љубомир Савевски успеаја да дојдат до триумф од 9 гола разлика. "Црвено жолтите" ја имаа контролата врз резултатот во најголемиот дел од мечот, а на одмор заминаа со предност од 15:13. Во вториот дел, концентрацијата на противникот значително падна, нашите најдобри ракометари знаeа да го искористат падот во формата на Турција и да забележат победа со високи 9 гола разлика.
Сепак, поради вчерашното реми со Литванците, Македонија нема загарантирано првото место во квалификациската група и пласманот во јунскиот бараж. Останува да го чекаме конечниот исход од утрешниот последен меч на турнирот меѓу селекциите на Литванија и на Турција. Литванците се во позиција сами да си ја кројат судбината. Доколку Литванија утре ја совлада Турција со десет или повеќе гола разлика, тие ќе се пласираат на дополнителните мундијалски квалификации, а Македонија ќе извиси.