Кошаркарите на Бостон Селтикс ја извојуваа првата домашна победа во финалето на НБА лигата оваа година против шампионот Лос Анџелес Лејкерс откако рано утрово крајот на натпреварот го дочекаа со позитивен резултат 96:89.
До триумфот „селтикси“ стигнаа добивајќи ја последната четвртина со девет поени 36:27 и притоа четворката од клупата Нејт Робинсон, Глен Дејвис, Тони Ален и Рашид Валас реализираше 21 од вкупно 36-те поени кои ги постигнаа на натпреварот.
Реј Ален втор натпревар по ред не успева да постигне тројка, откако на натпреварот број 2 реализираше рекордни осум. Во редовите на шампионот Коби Брајант со 33 поени беше најефикасен на натпреварот, но немаше расположен соиграч да го зачуваат водството кое „езерџиите“ го имаа на полувремето и на стартот од последниот период.
Натпреварот број 5 се игра в недела навечер во Бостон, а потоа серијата продолжува во Лос Анџелес во зависност од резултатот ќе се играат еден или два натпревара.