Вера Звонарева и Ким Клајстерс ќе играат во финалето на Ју Ес Опен во женска конкуренција. Русинката во првото полуфинале неочекувано лесно ја совлада Каролина вознијацки од Данска со 2:0 по сетови 6:4 и 6:3, за 85 минути игра, за потоа Белгијанката по голем пресврт да ја совлада домашната тенисерка Венус Вилијамс со 2:1 по сетови 4:6, 7:6, 6:4, за два часа и 22 минути игра.
Клајстерс ќе игра за третиот трофеј во кариерата на Ју Ес Опен во своето седмо Гренд Слем финале, додека за Звонарева ова ќе биде второ учество во последниот меч на некој од најголемите турнири, бидејќи оваа година веќе играше во финалето на Вимблдон, каде убедливо беше поразена од Серена Вилијамс со 6:3, 6:2.