Машката шаховска репрезентација на Македонија денеска против Мексико ќе се обиде да направи добар резултат и да остане во горниот дел на табелата по вчерашниот убедлив триумф над Макао.
Во второто коло на Олимпијадата во Русија, за Македонија против 36-то рангираниот Мексико на првата табла ќе игра Владимир Георгиев со црни фигури против Мануел Леон Хојос. Црните фигури ќе ги има и Звонко Станојоски на третата табла против Хозе Гарсија Гонзалес. „Бели“ ќе бидат Трајко Недев против Хуан Карлос Гонзалес на втората, односно Филип Панчевски против Жилберто Гуереро Хернандез на четвртата табла.
Женската селекција по вчерашниот убедлив пораз од 4:0 против Грузија, денеска ќе има можност за подобар резултат против 103-то рангираната репрезентација на Нигерија.
Распоредот по табли е:
прва табла: Габриела Коскоска - Олатунџи,
втора табла: Катерина Јоноска - Едвард-Дапа,
трета табла: Моника Стојковска - Акинтола,
четврта табла: Бојана Бејатовиќ - Амадасун.
Белите фигури ќе ги имаат Коскоска и Стојковска, а црните Јоноска и Бејатовиќ.