Кошаркарите на Фенербахче Улкер го доживеаја првиот пораз во ТОП 16 фазата во рамките на групата „Х“. Тие на гостувањето во Каунас загубија по продолжение од Жалгирис со 85:84 откако во регуларниот дел беше 69:69. Воедно ова за Жалгирис е првата победа во ТОП 16 фазата.
Во вториот натпревар одигран синоќа минимална победа од 77:74 постигна Монтепаски во Сиена против белградски Партизан. За Партизан ова беше четврти пораз и останаа на последното место на табелата во групата „Г“.
Вечерва се играат преостанатите натпревари од 4.коло, а двојките се: Панатинаикос – Каха Лаборал и Литвос Ритас – Уникаха (почеток 19 часот – група „Е“); Ефес Пилсен – Реал Мадрид (19:30 часот – група „Г“); Олимпија – Макаби и Лотоматика – Барселона (20:45 часот – група „Ф“); Валенсија – Олимпијакос (20:45 часот – група „Х“).
Преглед на табелите во четирите групи:
Табела група „Е“: Панатинаикос 2-1 (победи-порази), Каха Лаборал 2-1, Уникаха 1-2 и Литвос Ритас 1-2.
Табела група „Ф“: Барселона 3-0, Макаби 2-1, Олимпија 1-2, Лотоматика 0-3.
Табела група „Г“: Реал Мадрид 3-0, Ефес Пилсен 2-1, Монтепаски 2-2, Партизан 0-4.
Табела група „Х“: Фенербахче Улкер 3-1, Олимпијакос 2-1, Валенсија 1-2, Жалгирис 1-3.