По одигрувањето на синоќешните натпревари од 4.коло од ТОП 16 фазата познати се првите три екипи кои изборија пласман во четвртфиналето на кошаркарската Евролига. Тоа се екипите на европскиот првак Барселона и Макаби од групата „Ф“, како и Реал Мадрид од групата „Г“.
Барселона до четвртата победа во оваа фаза стигна откако триумфираше на гостувањето кај Лотоматика со 74:65. Во вториот натпревар од групата „Ф“ Макаби со одлична игра во второто полувреме ја победи Олимпија во Љубљана со 83:65 и со двете победи против директниот ривал обезбеди влез меѓу осумте најдобри екипи. Македонскиот кошаркар Владо Илиевски настапи за поразената екипа и натпреварот го заврши со 10 поени.
На натпреварите во групата „Е“ победи на домашните екипи: Панатинаикос – Каха Лаборал 76:74 и Лиетвос Ритас – Уникаха 70:65.
Реал Мадрид четвртата победа ја постигна на гостувањето кај Ефес Пилсен со 77:60 (група Г), додека Олимпијакос истотака славеше на гостувањето кај Валенсија 85:79 (група Х).
Во средата беа одиграни натпреварите: Монтепаски – Партизан 77:74 и Жалгирис – Фенербахче Улкер 85:84.
Табела група „Е“: Панатинаикос 3-1 (победи-порази), Каха Лаборал 2-2, Лиетвос Ритас 2-2, Уникаха 1-3.
Табела група „Ф“: Барселона 4-0, Макаби 3-1, Олимпија 1-3, Лотоматика 0-4.
Табела група „Г“: Реал Мадрид 4-0, Монтепаски 2-2, Ефес Пилсен 2-2, Партизан 0-4.
Табела група „Х“: Фенербахче Улкер 3-1, Олимпијакос 3-1, Валенсија 1-3, Жалгирис 1-3.