Македонските ракометари загубија во натпреварот одржан во Лангхус, Норвешка, од домаќинот со 33:26, натпревар во рамки на „Бринг Купот“ каде учествуваат и селекциите на Литванија, Португалија и Македонија.
„Бринг Купот“ е дел од подготовките за претстојното Европско првенство кое во јануари месец 2012-та ќе се одржува во Србија.
Најефикасен на натпреварот беше Кристофер Рамбо со 11 постигнати голови, додека Еспен Ли Хансен постигна 9 за норвежаните. Во нашата селекција, Кирил Лазаров беше најефикасен со 7 гола, Стојанче Соилов прододаде 4, а Наумче Мојсовски беше стрелец на 3 гола.
Македонија во рамки од 2-коло за противник ја има селекцијата на Португалија во натпревар кој се игра во Осло со почеток во 20 часот и 30 минути, а во сабота во Лилестром, нашите ракометари играат против селекцијата на Литванија.