Ракометарите на Металург синоќа во СЦ„ Борис Трајковски“ во натпреварот од 5.коло од Лигата на шампионите го доживеаја првиот пораз оваа сезона, а како клучен момент за таквиот исход тренерот Лино Червар го посочи притисокот под кој потпаднаа неговите избраници.
- Заслужена победа за гостинската екипа. Ние не го издржавме притисокот и жалам за пропуштената шанса. Паднавме во играта во последните 13 минути и се што направивме дотогаш практично го „истуривме“. На крајот не ја игравме нашата игра, не игравме тимски, рече Червар на прес-конференцијата по натпреварот со Киелце кој Металург го загуби со 23:21.
Во редовите на гостите Урош Зорман кој постигна еден изрази задоволство од атмосферата во „Борис Трајковски“ и од победата на неговата екипа.
- Натпреварот се одигра во одлична атмосфера. Беше задоволство да се игра тука. На крајот морам да потенцирам дека победи малку посреќниот тим, а ние покажавме карактер, истакна Зорман.
Следниот натпревар Металург го игра повторно против Килеце но овојпат на гости в сабота (24 ноември).