Ракометарите на Металург ја постигнаа првата победа во новата сезона од СЕХА лигата. На натпреварот во Подгорица, Металург го победи Ловќен со 29:23 (15:8).
Поради реновирање на салата во Цетиње, Ловќен на овој дуел беше домаќин во главниот град на Црна Гора.
Македонската екипа решавачката разлика ја направи од 12-та до 19-та минута, кога од 4:4 поведе со 10:5.
На овој натпревар во тимот на Металург не настапија поради повреди Дарко Станиќ и Филип Миркуловски.
Најефикасен беше Ренато Вугринец од Металург со 7 голови, а Павел Атман постигна 6.
Ова беше првиот натпревар од 2.коло, а втората македонска екипа, шампионот Вардар, во сабота во СРЦ Кале е домаќин на белградски Партизан.