Ракометраките на Србија успеаја во четвртфиналето синоќа да постигнат победа над светскиот првак Норешка во рамките на Светското првенство што се одржува во нивната земја. Во „Комбанк Арена“ пред околу 16.000 гледачи Србија оствари победа од 28:25 и така ја спречи Норвешка да го брани златниот медал.
Ракометарката на Вардар СЦБТ во дресот на Србија, Андреа Лекиќ постигна 4 голови, додека Марија Лојпур не влезе во игра. Србија во полуфиналето ќе игра со Полска, која со 22:21 ја совлада Франција. Во репрезентацијата на Франција ракометарките од македонскиот првак Вардар СЦБТ Алисон Пино и Сираба Дембеле постигнаа по 5 голови, додека Амадине Лејно имаше 6 одбрани.
Во четвртфиналето Бразил по продолжение ја совлада Унгарија со 33:31, додека нивни противнички во полуфиналето ќе им бидат ракометарките на Данска кои со 31:28 ја победија Германија.
Полуфиналните натпревари се играат во петок.