По историскиот успех на македонскиот шампион Вардар и победата над Хамбург со 30:29 на гостински терен, со што „црвено-црните” обезбедија пласман во 1/4 финалето во Лигата на шампионите, капитенот Филип Лазаров за противник во следната фаза го посака Металург.
- Дојдовме со мисла да победиме. Мислам дека многу ни помогна тоа што дојдовме два дена порано. Знаевме дека Хамбург игра послабо дома отколку на гости. Очекувавме да не потценат, а нашата екипа беше многу мотивирана. Едноставно, одигравме неверојатно и заслужено се најдовме меѓу осумте најдобри екипи. Во четвртфиналето го сакам Металург, но најмногу поради тоа што на тој начин една македонска екипа ќе игра на „Фајнал фор“. Ако не е Металург, тогаш посакувам да го добиеме Флензбург, изјави Лазаров за официјалниот сајт на РК Вардар.