Најбрзиот атлетичар на планетата, Јусеин Болт, изјави дека нема да се пензионира пред 2017 година. Јамајканецот, рекордер на 100 и на 200 метри вели дека ќе трча на Олимписките игри во Рио во 2016 и можеби ќе престане да се занимава со атлетика по Светското првенство една година подоцна што ќе се одржи во Лондон.
„Го сакам овој спорт, не можам да си замислам во пензија и немам намера да прекинам со трчање по Олимписките игри во 2016 година. Планирам да трчам и на Светското првенство во 2017 година, а потоа ќе видам“, изјави Болт.
Шесткратниот олимписки шампион викендов на Игрите на Комонвелтот победи со тимот на Јамајка во штафетната трка 4х100 метри заедно со Ливермор, Бејли-Кол и Ешмид поставувајќи рекорд на натпреварувањето.