Скопје, 6 декември 2014 (МИА) – Македонскиот ракометен првак Металург одигра нерешено 27:27 со белорускиот Мешков Брест.
На дуелот од 8.коло од Лигата на шампионите одигран вечерва во СЦ „Борис Трајковски“ во Скопје, металурзите добро почнаа и до 17. минута беа во водство, а потоа гостите ја преземаа резултатската контрола и го диктираа темпото. На четири минута пред крајот Металург намали на 25:26. Во 27.минута резултатот беше изедначен, а во 28.минута Ренато Вугринец погоди за голема радост на домашните навивачи, но целосен пресврт гостите спречија со гол постигнат во последните секунди.
Дејан Манасков со 8, Наумче Мојсовски со 6 и Филип Миркуловски со 5 погодоци беа најефикасни во нашиот состав.
На првиот дуел од оваа рунда во групата А Кил како гостин ја совлада Ла Риоха со 34:30.
Колото ќе се комплетира на 9 декември кога Загреб го пречекува ПСЖ.
Табела: Кил 14 бодови (8 натпревари), ПСЖ 10 (7), Ла Риоха 7 (8), Мешков Брест 6 (8), Загреб 6 (7), Металург 3 (8).