Македонската ракометна репрезентација на првиот натпревар на СП во Kатар ја победи селекцијата на Тунис сo 33:25.
По почетното водство на Тунижаните од 3:1, македонските ракометари направија серија што резултира со водство до шест голови на средината на првото полувреме. Тунис кон крајот на првиот дел се приближи на еден гол разлика, но Македонија успеа да се одлепи и да го заврши полувремето со предност од четири голови 18:14.
Во вториот дел македонските ракометари постојано ја зголемуваа предноста која во претпоследната минута достигна 10 голови 33:23, но Тунижаните со два гола во последната минута успеаја да намалат на конечни 33:25.
Голманот Борко Ристовски имаше 13 одбрани. Најпрецизен во македонскиот тим беше капитенот Кире Лазаров со 10 голови, а Манасков и Миркулоски постигнаа по шест.
Манасков е прогласен за играч на натпреварот.