Ракометарите на Металург го претрпеа и деветтиот пораз во регионалната СЕХА лига.
На денешното гостување екипата на Металург загуби од Мешков Брест во заостанатиот натпревар од 9.коло, во кој подмладениот тим од Автокоманда немаше сили да и се спротивстави на силната белоруска кипа која славеше победа со 25:23.
Во редовите на Металург најефикасен беше Гоце Ојлески со 7, додека Дарко Џукиќ постигна 6 голови.
Од денешната програма во СЕХА конкуренцијата останува да се одигра и дербито меѓу ППД Загреб и Вестпрем кој досега нема доживеано пораз.
Потсетување дека вчера, Вардар на гостувањето во Словачка го победи Татран Прешов 34:29.
Табела: Вестпрем 48 бода, Вардар 42, ППД Загреб 30, Татран Прешов 30, Мешков Брест 30, Металург 15, Нексе 13, Војводина 10, Борац 7 и Раднички 7.