Сонот е одраз на нашата потсвест, нашата фантазија и желба. Тој е единствениот приказ на длабоките стравови, грижи и потреби кои што се зголемуваат во текот на денот.
Кога длабоко ќе се внесеме во нашиот сон потсвеста во целост не обзема. По пат на сонот истата ни испраќа сигнали кои не ретко се обидуваме да ги протолкуваме.
Сепак кога станува збор за толкување на соништата и за сфаќањето на сопствената потсвест луѓето честопати прават грешки.
Експертите нагласуваат дека постојат седум начини со помош на кои можете да ги одгатнете своите соништа.
1. Сонот никогаш не може да биде откриен во потполност. Според истражувањата човекот може да објасни само делови од своите сништа. Преостанатото останува тајна.
2. Никогаш не трудете се да го разберете секој сон. Иако поголемиот дел од сништата имаат скриена порака постојат и такви кои ги сонуваме како резултат на филмови или пак на нешта кои што веќе ни се случиле.
3. Ако сакате да го протолкувате својот сон на вистинскиот начин неопходно е да му пристапите мошне прецизно. По будењето, кога се уште се наоѓате во креветот потсетете се на сите детали од вашиот сон. Истото направете го и со оние детали кои што ви изгледаат неважни.
4. Откако добро ќе се потсетите на сонот обидете се да пронајдете една генерална слика или симбол кој најмногу ве збунува. Потоа обидете се да го сместите во вистинскиот временски интервал, односно дали се однесува на сегашноста, минатото или пак на нешто што допрва треба да се случи.
5. Откако ќе го пронајдете централниот елемент на сонот посветете внимание на деталите околу него.
6. Не донесувајте заклучок премногу брзо. Симболите и нивното значење варираат од личност до личност. Поради тоа не постои универзално правило. Својот сон секогаш треба да го поврзете со сопствениот живот. Можеби централниот симбол во вашиот сон во реалноста има поинакво значење. Можеби ве асоцира на детал од детството на кој што свесно не се сеќавате.
7. Не верувајте во секоја литература која што го носи предзнакот толкувач на соништа. Тоа што во книгата пишува дека матната вода е лош знак, можеби ве асоцира на матното езеро во близината на вашата викендичка. Пред да посегнете по туѓи толкувања обидете се да го дознаете индивидуалното значење на сонот.