Сонот на секоја жена е да поседува впечатливи и цврсти гради кои ќе изгледаат феноменално и кога носи спортска маичка, но и кога е во длабоко деколте. Сепак, сите добро знаеме дека ваквиот сон станува реалност за малку жени. Можеби толку затоа хируршките интервенции за силиконско зголемување на градите едноставно „цветаат“.
Се разбира тука се и градниците за природно подигнување на градите кои на безболен начин се обидуваат естетски го решат проблемот. Кога веќе сме кај градниците оваа недела во Британија се промовира новиот Instant Boob Job Bra кој ветува дека ќе го долови вистинскиот „пополнет “ изглед на вашите гради.
Иновацијата се состои во посебни микроперничиња кои се прилагодуваат кон ткивото на градите на природен начин . Според произведувачот овие перничиња не се затоплуваат, па нема да имате проблем доколку ги носите на топло време.
-Британија е во предност кога станува збор за технологијата на градници. Нашиот тим без престан работи за да го пронајде решението за идеален изглед без подложување под нож, истакнува портпаролот на компанијата Ann Summers која ќе го продава новиот градник по цена од 22 фунти.
До сега чувме и прочитавме за многу вакви и слични градници кои не ги исполнија очекувањата на понежниот пол. Сепак, за да не бидеме премногу скептични останува да видиме колку новото чудо на технологијата реално ќе успее да им помогне на жените во остварувањето на нивниот сон.