Доколку копнеете по вистински медитерански вкус, полн со свежина и пријатна арома овој рецепт е она што го барате. Сочни пилешки гради, супер вкусен медитерански фил од домати, лукче и маслинки, а сето тоа збогатено со вкус на моцарела, гауда и оригано.
Совршена комбинација на вкусови во едно супер елегантно јадење кое има одлична презентација.
Погодно е за неделниот ручек за целото семејство, или пак за романтична вечера за двајца со добро квалитетно вино.
Потребни состојки:
- 2 парчиња пилешки гради
- 1 домат, исечкан на мали коцки
- 1 чешне лук, ситно исечкано
- 50 гр каламата маслинки, исечкани на коцки
- 1 лажичка оригано
- маслиново масло
- малку путер
- Сол и мелен црн пипер
- 100 гр рендана гауда
- 100 гр свежа моцарела
Начин на подготовка:
Најпрво направете неколку пресеци на пилешкото месо и зачинете го со сол и мелен црн пипер.
Во длабок сад промешајте ги доматот, маслинките, лукот, ориганото и маслиновото масло. Добро зачинете со сол и мелен црн пипер и промешајте. Оваа смеса нанесете ја врз пилешкото. Нанесете рендана гауда врз секое парче и парчињата пилешко пренесете ги во тавче за печење обложено со хартија и премачкано со путер. Одозгора полејте малку маслиново масло. Печете 30-35 минути на 180 степени, а 5 минути пред да биде готово ставете ја и моцарелата. Нарусете малку оригано и печете уште 5 минути. Сервирајте во чинија со малку маслиново масло и свежо исечкан магдонос.
Добар апетит и забавно готвење! За повеќе рецепти посетете ја официјалната ФБ страна на Давор, Dave’s Kitchen.