Летото е сезона кога често се јаде на отворено – скари, пикници и слично. Меѓутоа, доколку не сте внимателни со храната, може себеси и другите да ги изложите на здравствен ризик.
Кога храната е предолго изложена на топлина, па дури и на собна температура, можат да се развијат бактерии како Staphylococcus aureus, Salmonella и E. Coli, кои предизвикуваат болести.
Храната на која и е потребно ладење не смее да седи на собна температура повеќе од 2 часа, додека изложена на сонце смее да биде најмногу 1 час пред бактериите да започнат да се развиваат на неа.
Гореспоменатите бактерии бргу се развиваат на температури помеѓу 21°C и 60 °C, а за да тоа се спречи храната треба да биде чувана во фрижидер или во разладни ранци.
При транспорт, месото треба секогаш да се чуваат на дното и да биде со заштитна обвивка, одвоено од зготвената храна и од храната која се јаде „жива“, како овошјето и некои зеленчуци.
Преносниот разладувач треба да биде наполнет до горе, бидејќи така подолго ќе ја одржува студената температура и треба да се чува на сенка и за време на транспортот и кога сте на отворено.