Растителните влакна заслужено добиваат многу внимание од нутриционистите, бидејќи се важни за регулирање на дигестијата,контролирање на шеќерот во крвта и редуцирање на нивото на холестерол, како и за хранење на здравите бактерии во стомакот.
Тие се корисни и за слабеење, бидејќи бавно се варат, особено во споредба со едноставните јаглехидрати и процесираните зрна, поради што го редуцираат апетитот и промовираат подолга ситост.
Додека растителните влакна природно ги има во овошјето, зеленчукот, мешунките, целите зрна и слично, суплементите со влакна се исто така популарни. Меѓутоа , која е разликата помеѓу природните влакна и оние во “fiber” суплементите?
Суплементите содржат процесирани влакна, а истражувањата во врска со нив се значително повеќе ограничени во однос на оние за природните, особено кога станува збор за менаџирање на телесната тежина. Иако истражувањата покажуваат дека влакната помагаат за слабеење, не покажуваат дека и процесираните влакна го имаат истиот ефект.
Сепак, нутриционистите сметаат дека суплементите можат да бидат корисни доколку не е возможно да се внесат доволно влакна само преку исхраната. Меѓутоа, мора да се внимава на фактот дека некои такви суплементи може да предизвикаат гастроинтестинални проблеми, поради што се препорачува да се започне со помали дози, а потоа истите во консултација со доктор или нутриционист да се зголемуваат по потреба.
Доколку целта ви е слабеење, потребно е дневно да се внесуваат 25 грама за жени и 38 грама за мажи, преку минимално процесирана растителна храна. Оваа количина не се препорачува да се внесува одеднаш, туку преку повеќе оброци во текот на денот. Ако се користи суплемент, нутриционистите препорачуваат тој да не содржи вештачки бои, вкусови или додаден шеќер