Стартап компанијата Meati Foods креирала алтернатива на месо за која тврдат дека изгледа и има вкус на вистински бифтек, но е целосно направена од печурки.
Дел од процесите вклучени во правењето на пиво се вклучени и во креирањето на оваа нова замена за вистинско месо.
Продуктот започнува со мицелиум (растителниот дел од габата), кој се состои од мрежа нишки. Габата се ферментира во големи казани со вода, шеќер и нутритиенти, пред да се собере во процес опишан сличен на оној од правењето на кашкавал. По ова, продуктот се дава на „кулинарни експерти“ кои во него додаваат природни состојки кои му даваат вкус на месо.
Според неговите креатори, количина на вакво „месо“ еквивалентна на месо добиено од 4500 крави би можела да се произведе за една вечер.
Meati Foods моментално планираат ваквото „месо“ да го продаваат во ограничен број на ресторани во Колорадо во почетокот на 2020-та, за подоцна да се прошират и на други локации.