Иако постојат многу варијации на хумус, традиционалниот се состои од само 5 состојки: леблебија, маслиново масло, лук, сок од лимон и тахини (паста од сусам).
Секоја од овие состојки е преполна со нутритивни придобивки.
Леблебијата е одличен извор на влакна и протеин, од кои влакната се клучен фактор за здравјето на стомакот бидејќи го потикнуваат растот на здравите бактерии кои продуцираат т, масна киселина која ги храни клетките во стомакот. Покрај тоа, таа е богата со железо, фолати, фосфор, витамин Б6, витамин К, цинк, бакар, манган, магнезиум, холин и селениум.
Сокот од лимон, пак, е богат со витамин Ц кој го подобрува имунолошкиот систем и здравјето на коските, а содржи и фолати и калиум.
Благодарение на маслиновото масло, хумусот е одлична анти-инфламаторна храна, бидејќи тоа е богато со моќни антиоксиданси кои имаат анти-инфламаторни карактеристики. Конкретно, тоа го содржи антиоксидантот олеохантал за кој се верува дека има слични карактеристики како вообичаените лекови против воспаленија.
Тахини, пастата добиена од сусам, исто така има анти-инфламаторни карактеристики, а богата е и со влакна, бакар, манган, фосфор, цинк, селениум, магнезиум, железо и калциум, како и Б витамини како тиаминот кои ја зголемуваат енергијата и ја подобруваат мозочната функција.
Витаминот Е, пак, кој што го содржи, штити од срцеви заболувања, мозочен удар и нервни оштетувања.