Кафето сè уште е најпопуларниот кофеински пијалок кој се пие рано наутро, но зелениот чај станува сè попопуларен изминативе години.
Тој е направен од неоксидирани листови на чај, кои содржат антиоксиданси, а начинот на кој што тој се подготвува исто така влијае на нивната конечна количина.
За зелениот чај се врзани многу точни, но и невистинити тврдења во врска со здравствените придобивки кои ги нуди. Дел од нив се:
1) Факт: помага за слабеење
Причината за ова е што повеќето консументи на кофеин во форма на кафе или енергетски пијалаци, заедно со него внесуваат и голема количина на шеќер. Зелениот чај, пак, обично се пие незасладен, што влијае на помал внес на калории во текот на денот.
2) Мит: зелениот чај веднаш ги топи мастите во стомакот
За жал, ова е екстремно неточно. Ниедна храна или пијалок не е способна да топи масти од одредена точка во телото.
3) Мит: зелениот чај го подобрува метаболизмот
Единствениот фактор кој влијае на забрзувањето на метаболизмот е зголемувањето на мускулната маса во телото, бидејќи мускулите „јадат“ калории и кога се во мирување (а особено по вежбањето). Според тоа, единствениот вистински начин на кој зелениот чај би можел да го забрза метаболизмот е доколку ви помогне да се разбудите рано за да отидете во теретана.
4) Факт: го редуцира ризикот од рак
Повеќето билки, меѓу кои спаѓа и зелениот чај, се богати со полифеноли – вид антиоксиданси кои го редуцираат ризикот од хронични болести преку подобрување на клеточната функција на ткивата, оставајќи му на ракот помалку „простор“ да се развие.
5) Тврдење: спречува срцеви заболувања
Голем број студии покажале дека оние кои често пијат незасладен зелен чај имаат помали шанси да развијат кардиоваскуларни болести подоцна во животот, меѓутоа ваквите студии се специфични за одредени региони и се поврзани со генетиката. Без разлика на тоа, заедничко кај сите вакви истражувања е дека пиење на незасладена верзија на било кој вид на чај допринесува за редуцирање на ризикот од развивање на срцеви и други видови на хронични заболувања, особено оние поврзани со вишокот килограми.
6) Тврдење: зелениот чај нема кофеин
Ова е делумно точно, бидејќи одредени верзии на зелениот чај не содржат кофеин.
7) Тврдење: зелениот чај смирува
Зелениот чај е извор на аминокиселината Л-Теанин, соединение кое е поврзано со будноста и подобрување на расположениот, а истражувањата покажале дека консумирање на оваа аминокиселина ја намалува анксиозноста и го подобрува фокусот. Меѓутоа, доколку зелениот чај е од видот што содржи кофеин, ефектот може да биде спротивен.