Денеска со вас од кујната на Dave’s Kitchen споделуваме рецепт за 5 различни вкусови на домашен овошен сорбет. Сорбет е замрзнато овошје добро изблендирано додека не ја добие конзистенцијата на сладолед.
Постапката за да ги подготвите е супер лесна, а и нивниот вкус ќе ве освежи во текот на жешките денови кои ни претстојат.
Пред да започнете да ги подготвувате сорбет рецептите, потребно е да го подготвите сирупот со кои што ќе се засладат. Во случајов се користи шербет, но доколку сакате може да користите мед, јаворов сируп или да се задоволите со природната блажина на овошјето.
За да го подготвите шербетот, во мало тенџере на оган ставете шеќер и вода и оставете течноста да зоврие. За дополнителен вкус додајте екстракт од ванила или ванилин шеќер. Претурете ја течноста комплетно да се излади во огноотпорен сад.
Потребни состојки:
1.Праска и босилек
4-5 праски исечкани на коцки и замрзнати
3-4 ливчиња свеж босилек
2-3 лажици шербет
2.Јагоди и кора од лимета
300-400 гр замрзнати јагоди
Кора од 1 лимета
Сок од ½ лимета
2-3 лажици шербет
3.Ананас и кокос
1 ананас исечкан на коцки и замрзнат
50 мл. кокосово млеко или 2-3 лажици кокосови снегулки
2-3 лажици шербет
4.Портокал и нане
3 портокали исечкани на коцки и замрзнати
2-3 гранчиња свежо нане
2-3 лажици шербет
5.Краставица и диња
½ краставица исечкана на коцки и замрзната
½ диња исечкана на коцки и замрзната
2-3 гранчиња свежо нане
2-3 лажици шербет