Dave’s Kitchen: Освежителна паста салата

Пастата може да се јаде и ладна во форма на салата со освежителни и здрави состојки лесно достапни во маркетите и зелените пазари.

Потребни состојки:

• 200 гр паста машнички farfalle
• 1 морков исечкан на коцки
• 1 црвена пиперка исечкана на коцки
• 1 зелена пиперка, исечкана на коцки
• 2 лажици рендан пармезан
• 2 лажици свежо исечкан магдонос

За дресингот:

• 250 гр кисело млеко
• 1 чешне лук, ситно исечкано
• 1 лажичка копар
• Сол и мелен црн пипер по вкус
• 2-3 лажици маслиново масло

Начин на подготовка:

Сварете ја пастата ал денте. Ставете ја во сад и додајте го исечканиот морков, црвена пиперка, зелена пиперка, рендан пармезан и свежо исечкан магдонос.

На страна измешајте ги киселото млеко, ситно исечканиот лук, копарот, солта и мелениот црн пипер и маслиновото масло. Промешајте ја целата салата со дресингот и сервирајте ја ладна.

Добар апетит и забавно готвење!За повеќе рецепти посетете ја официјалната ФБ страна на Давор, Dave’s Kitchen.