Пролетта веќе е тука, а тоа значи дека и зелената салата станува наше секојдневие.
Почнуваме да консумираме почесто зеленчук, но и да експериментираме повеќе со вкусовите. Со цел да вкусите нешто поразлично, но вкусно, Ви предлагаме неколку здрави сосови за во салати.
1.Прелив од јогурт
Ставете јогурт во блендер и додајте малку вода. Додека го матите јогуртот со минимална брзина додавајте маслиново масло додека не ја постигнете посакуваната густина. На крај додајте копар и уште некој зачин и преливот е подготвен за вашата салата.
2.Прелив од сенф и маслинки
Потребни состојки:
- 3 лажици алкохолен оцет
- Лажичка сенф
- Неколку исчистени маслинки
- 4 лажици маслиново масло
- Лажичка лук во прав
- Малку мајчина душица, босилек и оригано
- Сол и црн бибер
Измешајте ги сите состојки во еден сад и преливот е подготвен.
3.Прелив од лук и маслиново масло
Потребни состојки:
- Маслиново масло
- Балсамико оцет
- Сол и бибер
- 1 лукче
- Малку вода
Измешајте ги сите состојки во блендер и користете го преливот во вашата салата.