Сокот од цвекло може да помогне во зајакнувањето на мускулната сила и да го подобри кардиоваскуларното здравје. Најновото истражување за нитратите во исхраната, сугерира дека истите може да ја подобрат издржливоста и вежбањето со висок интензитет доколку ги внесувате пред тренинг.
Неколку студии покажаа дека има значителни подобрувања во перформансите на вежбање кога се користи храна богата со нитрати, а особено кога се користи сок од цвекло.
Истражувачите од Универзитетот во Ексетер во Велика Британија, Универзитетот во Квинсленд, Австралија и Националниот институт за здравје на Соединетите Американски Држави, открија дека учесниците кои внесувале нитрати забележале седум отсто зголемување на мускулната сила во споредба со учесниците на кои им бил даден плацебо.
Една студија од 2015 година пак покажува дека пиење 250 милилитри сок од цвекло секој ден значително го намалува крвниот притисок. Цвеклото содржи антиоксиданс наречен алфа-липоична киселина, која помага да се намали нивото на гликоза и да се зголеми чувствителноста на инсулин. Цвеклото е исто така добар извор на манган, кој е вклучен во производството на инсулин и помага да се отстрани шеќерот од вашата крв. Тoa содржи витамини А и К, минерали вклучувајќи калциум, магнезиум и железо, кои помагаат во развојот на здрава кожа и коски.