Откако ви понудиме рецепт за вкусни домашни свински ребра, за денеска одлучивме да останеме со свинското месо и да ви понудиме нешто ново и интересно кое може да биде дел од вашата празнична трпезаа
Потребни состојки:
- 700 грама свинско месо
- сол
- црн пипер
- 30 грама брашно
- 50 грама маст
- еден децилитар вино
- 50 грама кромид
- црвен пипер
- две лажици сенф
- една лажица салца од домати
- еден лимон
- вода
- еден десилитар кајмак
- една жолчка од јајце.
Подготовка:
Свинското месо ќе се исече на парчиња, ќе се истолчи, ќе се посоли, ќе му се додаде малку црн пипер, ќе се извалка во брашно и ќе се испржи на маст на силен оган. Кога сите парчиња ќе бидат испржени, во истата маст се става дробен кромид, па кога кромидот ќе пожолти му се додава малку црвен пипер. Потоа парчињата ќе се наредат, се додава сенф, домати и малку сок од лимон и вода, па сето тоа се покрива и се динста. Му се додава вино и вода и кога месото ќе стане меко, му се додава еден деилитар кисел кајмак, во кој е изматена една жолчка од јајце и се остава да проврие.
Пријатен апетит!