Вучиќ: Од ЕУ ќе бараме за еден месец да ни одговорат дали постои Бриселскиот договор или не

По седница на Советот за национална безбедност, претседателот на Србија, Александар Вучиќ, на прес конференција, повикувајќи се на заклучоците од таа седница, изјави дека од ЕУ ќе побара во рок од еден месец да и одговори на Србија дали постои Бриселскиот договор или не, што е еден од условите за продолжување на дијалогот, јави дописникот на МИА од Белград.



-Ќе побараме итен одговор од претставниците на ЕУ за тоа дали постои Бриселскиот договор, кога ќе се формира Заедницата на српски општини (ЗСО), и тој одговор ќе го побараме во следниот еден месец. Нивното молчење ќе го протолкуваме дека Бриселскиот договор не постои и дека не сакаат да се формира ЗСО, изјави Вучиќ, додавајќи дека суштина на тој договор беше да се формира ЗСО.

-Србија бара повлекување на косовските полициски трупи од северот на Косово, ситуацијата да се врати во претходата состојба, а потоа да отидеме во Брисел за да разговараме за се и ако е можно да се договориме, кажа Вучиќ.

Тој порача дека Србија во следните неколку дена ќе ги разгледа мерките против Приштина, а потоа ќе излезе со нив.

-Сакаме да покажеме добра волја и да ја оставиме Приштина некое време да ги смени своите лоши одлуки, ако тие не сакаат, ние ќе преземеме мерки за заштита на Србија, изјави Вучиќ.

Српскиот претседател исто така, рече дека го отфрлил предлогот што го добил вчера од ЕУ, како треба да изгледа, „наводното компромисно решение“.

Според предлогот, како што објасни, Албанците би се откажале 70 отсто од она што имале намера да го направат на административна линија, но би вовеле 20 до 30 проценти од новите мерки.

-Го отфрлив затоа што сум уморен од политиката на свршен чин, не можете така да разговарате со Србија, кажа тој,

Одговарајќи на прашањето што точно понудила ЕУ и Квинта, тој изјави дека Србија барала единиците на Росу да се повлечат без нивните услови.

-А тоа што ни го нудат би значело дека треба да бидеме среќни и задоволни и да викаме дека е прекрасно решение што ќе ни дадат пробни регистарската табличка и ќе ни стават налепници. Тие во иднина не би ни ги одземале табличките, ќе не пуштаат со КМ и ПР. Српските таблички од Косово би ги пуштиле како нивни граѓани, но не и граѓаните на централна Србија (Р.Србија). Тие би ја зеле златната средина, малку како да навиваат за нас за да овие можат ги постигнат своите цели, прецизираше Вучиќ.

Тој порача дека за време на кризата на северот на Косово, Србија ќе најде начин да му помогне на својот народ.

На седницата за национална безбедност на Србија, присуствуваа и премиерката Ана Брнабиќ, министрите за одбрана и полицијата, Небојша Стефановиќ, Александар Вулин, началникот на Генералштабот на Војската на Србија Милан Мојсиловиќ, директорот на БИА Братислав Гашиќ, претседателот на Српската листа Горан Ракиќ и други

На седницата се разговараше за актуелната состојба и можните мерки што Србија ќе ги преземе во оваа ситуација, за кои претседателот Вучиќ синоќа кажа ќе бидат „економски и политички, но пред се економски“.



Прочитајте: затвори
  • РЕПЕРТОАРИ
IDIVIDI Сервиси
IDIVIDI Речник
Powered by MagnumPRO
Download
Временска прогноза

Н/А

Нема
Битола
Н/А
Нема
Охрид
Н/А
Нема
Скопје
Виц на денот
Имал некој тип калибар 50cm па не можел да си најде жена. Му рекле лекот да го бара кај жабата, барајќи ја за жена.
- Жабо, жабо, ќе се омажиш за мене?
- Не.
И оп, му се смалил...
webmail
IDIVIDI Радио
Македонски
Pop
Classical
Dance
Hip-Hop
Jazz
Rock
Ambient
Tehno&Trance
Состојба на патиштата
Сообраќајот на државните патишта се одвива непречено, по претежно суви коловози. ФРЕКВЕНЦИЈА: Интензитетот на сообраќај на патните правци надвор од градските средини е умерен. На...
Верски календар
На денешен ден
48. п.н.е.- Римскиот војвода и државник Гнеј...
1066.- Норманскиот војвода Вилијам, иден...
1465 или 1466.- Роден е Ротердамски Еразмо...
1492.- На првото патување преку Атлантикот, во...