Украина е подготвена да преговара, но не и да се предаде, објави украинската вицепремиерка Јулија Свириденко на Икс.
Нејзината изјава уследи откако во медиумите се појави информација дека САД предложиле договор според кој Украина треба да се откаже од речиси целата територија окупирана од Русија.
- Нема да склучиме договор што ќе ѝ даде можност на Русија да стане посилна, да се прегрупира и да се врати со уште поразорна сила. Целосен прекин на огнот – на копно, воздух и море – е неопходниот прв чекор, наведе Свириденко.
Таа додаде дека ако Москва наместо тоа се одлучи за делумен прекин на огнот, Киев ќе одговори исто.