Во Прага одбележана 41-годишнина од самозапалувањето на Јан ПалахПрага, 16 јануари (МИА) - Граѓаните на Прага денеска ја одбележаа 41-годишнината од смртта на прашкиот студент, Јан Палах, кој се самозапали во знак на протест поради интервенцијата на советските сили кои влегоа во тогашна Чехословачка во август 1968 година, јави дописникот на МИА од Прага.
Дваесетгодишниот студент, кој со својот чин стана симбол на чешкиот отпор, се самозапали на плоштадот во центарот на Прага и почина три дена подоцна, а на неговиот погреб присуствуваа илјадници лица.
Самозапалувањето на Палах во тоа време предизвика бран на слични самоубиства во многу земји од поранешниот советски блок.
Во јануари 1989 година, неколкудневните демонстрации познати како „Неделата на Палах“ го означија почетокот на крајот на комунистичкиот режим.
- Јан Палах е недостижен, морален пример на кој ние постојано треба да се сеќаваме, рече Јарослава Чајова, организатор на чевствувањето на Јан Палах.
|