Варшава, 16 април 2010 (МИА) - Семејството на трагично загинатиот полски претседател Лех Качински не сака да го одложува неговиот погреб в недела, и покрај облакот од вулканска пепел кој се шири над Европа и е причина за затворање на голем број аеродроми, истакна близок соработник на Качински, Јацек Сашин.
- Желба на семејството е датумот на погребот да не се одложува во ниту било кој случај, додаде Сашин.
Се појавија предлози за одложување на погребот, со цел светските лидери, меѓу кои и американскиот претседател Барак Обама, да можат безбедно да пристигнат до Полска и да присуствуваат на погребната церемонија.
Аеродромот во Краков, каде треба да пристигнат повеќето странски делегации, денеска беше затворен, како и други полски аеродроми, поради облакот од вулкански пепел кој доаѓа од Исланд.