Мадрид, 28 март 2011 (МИА) - Либискиот лидер Моамер Гадафи и членовите на неговиот режим неколку пати се обидоа да се поврзат со шпанската Влада по избувнувањето на конфликтот во Либија, меѓутоа властите во Мадрид одбија да контактираат со нив, изјави денеска шпанската министерка за надворешни работи Тринидад Хименес.
Таа ја спореди Либија со Сирија, која исто така е повикана од меѓународната заедница да го прекине насилството врз демонстрантите.
Според Хименес и меѓународната заедница и го дала на Сирија „истото време“ за соодветен одговор на немирите, како и на Гадафи.
Шефицата на шпанската дипломатија не ја коментира можноста за меѓународна интервенција во Сирија.